ПИШУВА:
Катерина Шекеровска – Димовска
Забрзано течат подготовките за големиот стручен настан посветен на неврологијата, Третиот симпозиум на Македонското невролошко здружение и Првиот конгрес на Невролошката секција на медицински сестри при ЗМСТАМ, кои ќе се одржат во периодот од 8-11 јуни во хотелот „Дрим“ во Струга. Пред нас е еден убав настан со богата програма, лоциран на брегот на Охридското езеро на кој ќе се дискутира за многу теми од областа на неврологијата – мозочното здравје, мозочните удари, демиелинизациските болести, болестите на периферниот нервен систем, третманот на ретките болести како и други нарушувања кои се во доменот на оваа медицинска гранка. Настанот е во организација на Македонското невролошко здружение и Невролошката секција на медицински сестри при ЗМСТАМ и е со меѓународно учество.
„За разлика од претходно, кога се запознававме со последиците од пандемијата со вирусот САРС КоВ 2, оваа година се враќаме на нашите редовни теми, со цел да им дадеме простор на предавачите да ги споделат новостите во неврологијата и директната грижа за пациентите. Организациски, повеќето работи се одредени и подготвени, па доаѓа периодот кога ќе ги очекуваме партиципантите да се пријават. Затоа, во оваа прилика, ги поканувам сите заинтересирани да не следат за новости од овие случувања и да се пријават за учество“, вели проф. д-р Драгана Петровска – Цветковска, специјалист невролог (ЈЗУ Универзитетска клиника за неврологија) и претседател на Македонското невролошко здружение.
Стручната јавност со нетрпение го очекува Третиот симпозиум на Македонското невролошко здружение и Првиот конгрес на Невролошката секција на медицински сестри при ЗМСТАМ, кои ќе се одржат заедно во периодот од 8-11 јуни во хотелот „Дрим“ во Струга. Не очекуваат четири дена посветени на „Новините во третманот и здравствената нега кај невролошки болни“. Како се одвиваат подготовките, дали организациски тече се според планот?
Проф. д-р Петровска – Цветковска: Прво, би сакала да ги поздравам вашите читатели и нашите колеги и да им посакам среќна и успешна нова година. После претходната година, кога и се изведе вториот по ред Симпозиум на невролозите во мај 2022, добивме конструктивна претстава како да продолжиме понатаму. Па така, беше препознаена и потребата за континуирана надградба на медицинските сестри, чии главни активности се насочени кон директна грижа за болничките и амбулантските пациенти. Поради тоа, одлучено е оваа година да се организира и посебен конгрес за невролошките сестри, каде што ќе имаат можност за свое излагање и едукација, а воедно и размена и надополнување на знаењета заедно со докторите специјалисти. Покрај оваа новина, планирано е да се одржи и Симпозиум на Македонското невролошко здружение, кој е веќе со стандардизиран формат, каде што повторно ќе имаме и учесници и предавачи од странство.
Срдечна покана за колегите невролози и колегите од сродните медицински гранки, како и нашите медицински сестри на заедничка дружба и споделба на искуствата во прекрасниот амбиент на крајбрежјето на Охридското езеро
Тематската определба, како што кажавте, е „Новини во третманот и здравствената нега кај невролошки болни“. За разлика од претходно, кога се запознававме со последиците од пандемијата со вирусот САРС КоВ 2, оваа година се враќаме на нашите редовни теми, со цел да им дадеме простор на предавачите да ги споделат новостите во неврологијата и директната грижа за пациентите. Овие случувања се планирани за месец јуни 2023, повторно во Струга. Организациски, повеќето работи се одредени и подготвени, па доаѓа периодот кога ќе ги очекуваме партиципантите да се пријават. Па затоа, во оваа прилика, ги поканувам сите заинтересирани да не следат за новости од овие случувања и да се пријават за учество.
Симпозиумот доаѓа како продолжение на минатогодишниот симпозиум на Македонското невролошко друштво одржан во мај 2022 во Струга, кој беше одлична можност за споделување на знаења и искуства во однос на новините во неврологијата, со осврт на пандемијата и насоките за понатаму. Година дена подоцна стручната фела повторно ќе дискутира за најновите научни и професионални достигнувања во неврологијата. Што е ново и актуелно, кои се главните теми на симпозиумот?
Проф. д-р Петровска – Цветковска: На симпозиумот очекуваме враќање кон нашите стандардни теми од неврологијата, за разлика од претходните три години, кога фокусот беше насочен кон компликациите од КОВИД-19. Така, повторно се актуелизираат темите околу мозочното здравје, мозочните удари, демиелинизациските болести, болестите на периферниот нервен систем, како и други нарушувања кои се во доменот на неврологијата. Воедно посебен подем се бележи на план на третманот на ретките болести па ќе споделиме искуства и со колегите експерти од регионалните центри. Планирани се и научни работилници за кои дополнително ќе ве информираме по објавата на второто соопштение.
Во нашата работа постојано се потпираме на медицинските сестри, чија работа директно ги вклучува пациентите. Медицинските сестри се вклучени во грижата на пациентот, и имаат важна улога, не само во апликацијата на лековите, туку и во мониторингот на пациентите кои се на болничко лекување, како и во други домени на грижата за болничкиот пациент
Тематската определба е „Новини во третманот и здравствената нега кај невролошки болни“, а за разлика од претходно, кога се запознававме со последиците од пандемијата со вирусот САРС КоВ 2, оваа година се враќаме на нашите редовни теми, со цел да им дадеме простор на предавачите да ги споделат новостите во неврологијата и директната грижа за пациентите
Годинава ќе се одржи и Конгрес – првенче на Невролошката секција на медицински сестри при ЗМСТАМ. Докторите невролози не можат без невролошките сестри и обратно, а заедно прават една целина, тим кој бескомпромисно се бори за секој пациент поединечно. Каква е всушност улогата на медицинските сестри во вашата работа?
Проф. д-р Петровска – Цветковска: Во нашата работа постојано се потпираме на медицинските сестри, чија работа директно ги вклучува пациентите. Медицинските сестри се вклучени во грижата на пациентот, и имаат важна улога, не само во апликацијата на лековите, туку и во мониторингот на пациентите кои се на болничко лекување, како и во други домени на грижата за болничкиот пациент.
На симпозиумот очекуваме гости од Р.Турција, Р.Србија, Р.Бугарија и другите земји од соседството, како и учесници од тие земји. Од истата причина и се бира локацијата (Струга), со цел учесниците, посебно и тие од странство, да имаат прилика да ги споделат своите новости во амбиентот што го нудат Струга и Охридското езеро. Нивното учество секогаш ни помага да излеземе од нашиот „информациски“ балон, како и обратното, па затоа на тоа се гледа посебно
Парадигмите на тој план полека се стандардизираат и унапредуваат, па затоа сметаме дека е потребен овој формат на Конгрес, каде ќе имаат прилика да ги освежат веќе познатите работи, но и да ги унапредат своите познавања и вештини.
Имате одлична соработка со меѓународните невролошки здруженија, дали и оваа година ќе имаме нивни претставници во Струга, кои дополнително ќе го збогатат настанот?
Проф. д-р Петровска – Цветковска: За оваа година се планирани повеќе активности на кои ќе бидат поканети и нашите колеги од странство, т.е. од другите невролошки здруженија. На симпозиумот очекуваме гости од Р.Турција, Р.Србија, Р.Бугарија и другите земји од соседството, како и учесници од тие земји. Од истата причина и се бира локацијата (Струга), со цел учесниците, посебно и тие од странство, да имаат прилика да ги споделат своите новости во амбиентот што го нудат Струга и Охридското езеро. Нивното учество секогаш ни помага да излеземе од нашиот „информациски“ балон, како и обратното, па затоа на тоа се гледа посебно. Ги поканувам сите заинтересирани колеги да се пријават и да не следат на социјалните мрежи за новостите околу агендата.
Што е она што е битно да се истакне во однос на Симпозиумот, а не го споменавме погоре?
Проф. д-р Петровска – Цветковска: Ништо дополнително, освен, срдечно да ги поканиме колегите невролози и колегите од сродни медицински гранки, но воедно со топло срце ги каниме и нашите медицински сестри за што поголем интерес на заедничка дружба и споделба на искуствата во прекрасниот амбиент на крајбрежјето на Охридското езеро. Невролозите и невролошките сестри секогаш знаат да бидат одлични домаќини и добри пријатели па повелете.
