Нервот ишијадикус е најголемиот нерв во организмот. Почнува во долниот дел од грбот, се спушта низ двете нозе и го сочинуваат одделни нервни корени кои се разгрануваат во долниот дел од грбот.
Што е ишијас?
Ишијасот не е болест, туку медицинска состојба која ги подразбира следниве симптоми:
- Константна болка во долниот дел од грбот и едната нога, двете нозе поретко;
- Болката се влошува кога личноста ќе седне;
- Чувство на печење и жештина во ногата;
- Слабост, трнење или неможност за поместување на ногата или стапалото;
- Личноста има потешкотии кога стои или оди.
Најчести причини за ишијас:
Дискус хернија: Понекогаш се нарекува и пукнат диск, слизнат диск, пробивачки диск, отекувачки диск или стегнат нерв.
Дегенеративна болест на дискот: Оваа состојба се јавува кога слабеењето на дискот резултира со прекумерни микро придвижувања во тој дел од ’рбетот додека воспалителните протеини од внатрешноста стануваат поизложени и ја иритираат површината.
Истмичка спондилолистеза: Кога еден ’рбетен пршлен ќе се лизне на оној под него заради мало кршење во парченце коска, кое ги поврзува двата зглоба на задната страна на ’рбетниот сегмент.
Лумбална спинална стеноза: Ја карактеризира стеснување на ’рбетниот канал.
Пириформис синдром: Кога овој мускул ќе го приклешти нервниот корен на ишијадикус.
Сакрална дисфункција на зглобот: Ја предизвикува иритација на сакралниот зглоб.
Бременост: Добивањето на тежина, промената во центарот на гравитација на личноста и хормоналните промени како резултат на бременост можат да предизвикаат ишијас.
Лузна: Кога ткивото на лузната ќе го притисне коренот на нервот.
Напрегање на мускулите: Кога воспалението на мускулите врши пртитисок на коренот на нервот.
Спинални тумори: Тумори во долниот дел од грбот можат да го притиснат коренот на нервот.
Можни опции за лекување:
Повеќето лекари препорачуваат мирување. Други методи подрзбираат примена на лекови за ублажување на болката и воспаленијата, како и за опуштање на мускулите. Меѓутоа, вежбите, исто така, можат да ги ублажат симптомите на ишијас.
Во видеото во продолжение можете да видите кои вежби помагаат во ублажувањето на хроничната болка како резултат на ишијас:
