Лицата кои имаат крвна група А генетски не се најдобро опремени за 21 стресен век. По природа станува збор за лице на кое му одговара добро структуиран, ритмичен, хармоничен живот во позитивно опкружување.
Лицата со крвна група А се обележани со дигестивен систем кој има потешкотии со варењето на животинските протеини и маснотии, но со исклучителна употреба на сите состојки од јаглехидратите.
Тоа типот А го штити од појава на чир, но и го зголемува ризикот од камења во жолчката, рак на желудникот, срцеви заболувања, остеопороза. Кај типот А, во однос на сите други типови, е многу важно да воспостави одреден дневен ритам, порано да легнува и да спие најмалку осум часа дневно, да не прескокнува оброци, главен оброк да му биде појадокот и тогаш да го внесе поголемиот процент на дневно потребните протеини, добра да ја џвака храната и да не јаде кога и затоа што е нервозен.
Се препорачува ограничено внесување на шеќери, кофеин и алкохол, бидејќи го зголемуваат стресот и се успорува метаболизмот. Типот А, исто така, треба посебно да води сметка за комбинирањето на храна, поточно да не внесува во ист оброк протеини и скроб.
Престој во природа, релаксирачка музика и ароматерапија се одлични стимуланси за овој тип.
Што се однесува до физичките активности, иако е често склон кон претерување, типот А би требало да го намали интензитетот на активноста, особено ако се занимава со спортови или вежбање кое бара голем напор. Најчести знаци на претерана физичка активност се ладни раце, изразен замор час или два по напорот или лесна вртоглавица.
