На луѓето кои припаѓаат на оваа крвна група им одговара интензивна физичка активност и исхрана со протеини од животинско потекло. Не им одговараат житарките и млечните производи.
Лицата од групата 0 треба строго да го ограничат внесувањето на млечни производи, затоа што неповолно делуваат на нивниот метаболизам. Истото важи и за јајцата. 1-2 неделно е повеќе од доволно.
Лененото и маслиновото масло делуваат корисно, а избегнувајте ги пченкарното и маслото од кикиритки.
Јаткастите плодови се одличен извор на протеини, но нема да го заменат месото. Добро е да ги консумирате само оревот и семките од тиква, додека кога сте на диета мора да ги избегнувате индискиот орев, путерот од кикиритки, ф’стаците и афионот.
Организмот на овој тип не трпи ниту еден од пченичните производи. Неутрални по неговото здравје се оризовите снегулки, јачменот, просото и елдата.
Месото е особено корисно за типот О. Говедско, јагнешко, џигер, телешко и срнешко треба да се наоѓаат на нивното мени. Од другите видови на месо и нивните преработки треба да ги избегнуваат свинското, сланината, месото од патка и шунката.
Голем дел од морската храна е особено корисна за лицата со крвна група О. Харинга, лосос, сабјарка, сардина, штука, ослич, гргеч и пастрмка треба да бидат дел од нивната трпеза барем два до три пати неделно. Освен чадениот лосос и октоподот, другата морска храна не прави проблеми кај овој тип.
Изборот на зачини може да му помогне на дигестивниот и имунолошкиот систем. Многу корисни се морските алги, карито, црвените пиперчиња и магдоносот. Неутрално влијание имаат босилекот, лорберот, каранфилчето, јачменовиот слад, кимот, биберот, фефероните, ренот, рузмаринот, мајоранот, шафранот, жалфијата, темјанот. Избегнувајте копар, цимет, мускатно оревче, оцет.
Пијте чај од липа, магдонос, нане, хмељ, ѓумбир и дудинки кога ви се пие нешто. Избегнувајте го чајот од алое, ехинацеа, генцијана, детелина, листови од јагода или луцерка. Од другите напитоци, неутрално делуваат пивото, зелениот чај, црвеното и белото вино. Вашиот најголем непријател е кафето. Ограничете ги на минимални количини газираните пијалаци, црниот чај и жестоките алкохолни пијалаци.
