Оваа најмлада крвна група постои, како што се верува околу илјада години и застапена е кај два до пет проценти од светската популација. Се смета за преодна и за резултат на вкрстување на две претходни крвни групи.
Интересно е дека хормонскиот профил на овој тип најмногу има сличности со типот О, дигестивниот систем е налик на типот А, што значи дека има недостаток на желудочна киселина, додека потребата за протеини од животинско потекло е слична со типот Б. Накратко, типот АБ би тренал да изнегнува се што вреди за типот А или за типот Б.
Поради ниското ниво на желудочна киселина, типот АБ има проблем со дигестивните протеини – блокирање на дигестивните ензими, склоност кон развој на бактерии во стомакот што го зголемува ризикот на проблеми со жолчката, рак на желудник, жолтица и труење со храна.
Потешко ги разложува маснотиите, па за овој тип се советува внимание поради коронарните болести, церебрална тромбоза и покачен притисок.
Поради неспособноста да прозведува анти-А и анти-Б тела, поподложен е на канцерогени заболувања во однос на која било друга крвна група, на многу инфекции (особено респираторни и ушни). Појадокот со зголемена доза на протеини е кралски оброк за овој тип, особено ако сака да изгуби на телесна тежина.
Главен извор на протеини за типот АБ се рибата и морските плодови и никако црвеното месо. Помали и почести оброци не се препорачливи за овој тип поради неадекватни количини за желудочна киселина и пептични ензими (што дополнително се намалува со годините), но редовните три оброци се неопходни за општа метаболичка, дигестивна и рамнотежа на имунолошкиот систем.
