Во четириесеттите години на минатиот век била популарна теоријата за трите телесно-психолошки типови: ектоморф, мезоморф и ендоморф. На почеток, оваа типологија се развивала како психолошка поделба (теорија на американскиот психолог Вилијем Шелдон), која ја поврзува телесната градба со психолошкиот карактер на луѓето. Меѓутоа, во современото доба ја презеле фитнес тренерите и нутриционистите, бидејќи се покажало дека многу прецизно го карактеризира метаболизмот, мускулната маса, телесните масти и исхраната, отколку човечката психа.
Мезоморфен тип. Природно е мускулест, коските му се со средна големина. Пропорционално е граден, со широки раменици и тесен струк, и по правило имаат телесни маснотии. Од сите типлови, најлесно нафрла мускулна маса. Исто така, релативно лесно може и да се здебели и да ослабне.
Исхрана. Калориски потреби на типот мезоморфен се малку поголеми, за разлика од другите два, поради зголемениот процент на мускулна маса, бидејќи за одржување на мускулната маса потребни се повеќе калории.
За разлика од другите типови, на мезоморфниот тип највеќе и одговара храна богата со протеини.
- За нив идеално е третина од калориите да ги добиваат преку протеини, третина од овошје и зеленчук, а третина од интегрални житарки или здрави масти.
- Најдобри извори на протеини за овој тип се јајца, грав, леќа, јогурт.
- Најдобри извори на јаглехидрати се овошје, зеленчук, интегрален ориз, киноа, овес.
- Најдобар извор на масти се јаткасти плодови, семки, авокадо, кокосово и маслиново масло.
Напомена: Мезоморфните типови лесно се здебелуваат доколку исхраната им содржи многу калории од намирници богати со шеќер. А лесно може и да ослабнат доолку се хранат со намирници со малку јаглехидрати, богати со протеини и доста да вежбаат.
Ендоморфен тип. По правило имаат мазно, округло тело, коските со средна големина, тесни рамена и кратки екстремитети. Тежината им е сконцентрирана на колковите, долниот дел на стомакот и колковите. Поради ваквиот распоред на масти и специфичен метаболизам, потешко слабеат во однос на другите два типа. Имено, осетливи се на јаглехидрати и инсулин. Намирниците богати со шеќер кај нив брзо се претвораат во шеќер во крвта и ја зголемува шансата да се претвори во телесни масти, отколку да се претвори во енергија. Поради тоа имаат поголем процент на масти, што ги изложува на зголемен ризик од дијабетес, висок притисок, срцеви заболувања и депресија.
Исхрана. За да се избегнат здравствени ризици поврзани со својот тип, ендоморфот треба да избегнува леб, тесто, крекери и колачи. Најдобар тип на исхрана за овој тип на тело е т.н. палео исхрана, во која секој оброк се состои од зеленчук, протеини и здрави масти, како што се авокадото и маслиновото масло.
Се препорачува да се внесуваат 30 % калории од јаглехидрати, 35 % од протеини и 35 % од масти, при што треба да се внимава главниот извор на јаглехидратите да биде зеленчукот, помалку житарките како киноа и амарант.
