Вирусите и настинките се особено активни во зимскиот период. За претстојните празници да ги поминете весело и во добро здравје, во текот на следните неколку недели поведете сметка за исхраната и за некои други животни навики кои директно влијаат на имунитетот. За време на претстојните денови јадете што е можно повеќе овошје и зеленчук, како портокали, мандарини, киви, моркови, зелка, кромид, лук и сл. Овошјето и зеленчукот се одличен извор на витамин Ц и витамини од Б-групата, кои се од клучна важност за енергијата и силниот имунитет за време на студените денови.
Тука се и мешунките кои изобилуваат со железо и селен, како и сувото овошје и јаткастите плодови кои се полни со железо, калиум, магнезиум, како и диететски влакна.
За производство на антителата кои не штитат од разни инфекции важно е да внесуваме и доволно протеини со кои изобилува месото, рибата, млечните производи, јајцата, семките и јаткастите плодови.
Ферментираната храна, како и намирниците богати со ресвератрол, исто така, придонесуваат за подобар имунитет, а од помош можат да бидат и ’тониците’ како оној со лук и чај од курума. Витаминско-минералните додатоци, исто така, помагаат имунитетот да се одбрани од вирусите и бактериите.
