Исхраната богата со калиум би можела да го намали ризикот од мозочен удар кај жените во менопауза! Според една американска студија, во чии рамки научниците во период од 11 години ја следеле и анализирале исхраната на 90 137 жени во менопауза (уште попрецизно, на возраст од 50 до 79 години) и нивниот дневен внес на калиум.
Исто така, се проучувала и зачестеноста на мозочниот удар кај испитаниците. Инаку, просечниот внес на калиум на учесничките бил 2611 мг дневно, додека препорачаната дневна доза на калиум за возрасни е 4700 мг.
На крајот на студијата авторите заклучиле дека жените кои со исхраната внесуваат најмногу калиум имаат за 12 % помал ризик од мозочен удар, како и за 10 % помал риизк од смрт воопшто, отколку жените кои консумираат најмалку количества од овој минерал.
