Резултати од нова студија спроведена во Шпанија укажуваат на поврзаност помеѓу ризикот од рак на дебелото црево и воспалителниот потенцијал на исхраната. Имено, лицата кои практикувале т.н. воспалителна исхрана имале речиси двојно поголем ризик од развој на рак на дебелото црево.
Воспалителната исхрана обично се карактеризира со консумирање на рафинирани јаглехидрати, црвено и обработено месо, како и на заситени или транс масти. Додека пак во антиоксидациската исхрана преовладува консумирањето зеленчук, мешунки, овошје и јаткасти плодови.
Според мислењето на стручњацитеза намалување на ризикот од развој на рак на дебелото црево, исклучително е важно луѓето да се оддалечат од провоспалителната исхрана, и да практикуваат медитеранска исхрана, која е богата со овошје и зеленчук, јаткасти плодови, житарки од цело зрно и здрави масла, како што е маслиновото масло.
