Неса, фитнес блогерка од Луксембург, вели дека била фокусирана на својата работа, а не на телото: „Не внимавав што јадам и константно се чувствував изморена и бев под стрес.“
Кон почетокот на минатата година одлучила нешто да преземе, па така почнала со мали промени кои и помогнале да усвои здрави животни навики. Почнала да тренира наутро, затоа што едноставно не можела да се натера да појде во теретана после работа. Иако и било тешко да се навикне на будење во 5 часот наутро, после некое време тој дел од денот и станал мошне мил, а можела да се разбуди без проблем и без аларм.
Не е се во тренингот
После 6 месеци забележала дека телото почнува да и се менува. Наскоро достигнала максимум на своите можности и почнала да стои во место иако се чувствувала дека дава се од себе. Тука сфатила дека мора да го смени начинот на исхрана. Иако Неса отсекогаш била убедена дека поприлично здраво се храни, сфатила дека не им дава големо значење на количествата на порциите на оброците, дека често прескокнува оброци и дека тоа подоцна го надоместува со емоционално прејадување. Побарала стручна помош околу правењето план на исхрана, што требало да и помогне во обликувањето на телото. Јадела на секои три часа, 5 до 6 оброци во текот на денот кои заедно содржеле околу 2 000 калории.
Усвојување здрави навики
На работа јадела батат, пилешки гради, брокула, авокадо, басмати ориз, мешунки со маслиново масло, интегрални тестенини со тиквичка, шкампи и домашно песто. Јадењата ги приготвувала пред почетокот на новата недела, па така немала изговор дека ќе изеде нешто надвор од дозволеното мени. За вечера си приготвувала кајгана со спанаќ и домати, интегрален тост со путер од кикиритки и банана или зелена салата со чаден лосос и оризови крекери. Откако овој план го следела 11 месеци забележала неверојатна разлика. Иако добила 2 кг после овој тежок период, нејзиното тело било сосема преобликувано, со цврсти стомачни мускули. Целиот овој процес ја инспирирал Неса да стане професионална тренерка, а напредокот да продолжи да го дели на својот Инстаграм-профил.
