Денес уживаме во моментот на развојот на медицината, кога за се постои лек или барем начин кој ќе ни го олесни животот со хронична болест. Доколку се уште и не постои лек или иновација која ќе помогне во животот, низа стручњаци и научници работат на развој на истиот. Не така одамна, состојбата во медицината не била таква, а последните два века се клучни за развојот на здравствени изуми во кои денес уживаме.
Микроскоп
Микроскопот е изум кој денес може да се најде и во основните училишта, но за медицината, фармацијата и хемијата, оваа направа е непобитно важна.
Ја иновирал Холанѓанецот Закариус Јахнсен, кој се занимавал со брусење на леќи.
Тој користел две леќи кои меѓусебно биле оддалечени, додека во 1670 година научникот Антон ван Лиувенхок, исто така, од Холандија ја подобрил идејата на Јахнсен и развил 500 микроскопи. Денес тој се нарекува и татко на микробиологијата, бидејќи, освен влијанието на развојот на микроскопот, исто така, прв го документирал изгледот на мускулот, ткивото, бактериите и крвта преку микроскоп.
Електростимулатор на срцето – пејсмејкер
Пејсмејкерот е уред кој досега спасил милиони лица, а неговиот развој започнал во 20-тите и 30-тите години на 20 век. Д-р Марк Лидвил и физичарот Едгар Бут од Сиднеј во 1926 година почнале со изградба на апарат кој 1928 година оживеал новороденче во болница во Сиднеј. По нив, американскиот психолог Алберт Хуман развил сличен апарат, но за него не се објавени никакви податоци бидејќи мислел дека јавноста ќе го осуди за оживување на мртви.
Важно име за развојот е Паул Золи кој во 1952 година почнал да работи на вонтелесен пејсмејкер кој би можел да го оживее срцето и без операција и кој ќе ја регулира неправилната работа на срцето.
Денес се разликуваат електростимулатори на срцето кои може да бидат еднокоморни, двокоморни и трикоморни и може да бидат времени или трајни во зависност од болеста на срцето на самиот пациент. По вградувањето на пејсмејкер, пациентте можат нормално да живеат, а уредот кај секоја неправилност на работата на срцето, реагира. Батеријата трае и до 20 години, а може да се полни и преку кожа.
