Бубрегот е досега најкомплицираниот орган кој научниците успеале да го направат во лабораториски услови. Ова достигнување е направено во април 2013 година. Првиот вештачки бубрег произведен во лабораторија, успешно е пресаден на животно и почнал да произведува урина.
Вештачкиот бубрег бил направен од страна на тим на американски научници предводен од Харалад От во општата болница во Масечусетс, кој успеал да одгледа бубрег користејќи експериментална техника која претходно била користена за органи како што се срце, бели дробови и црн дроб.
Професор От прво од бубрег на глушец извадил функционални клетки со помош на раствор на биолошки реагенси. Така добил колагенска решетка која на органите им дава тродимензионална структура. Тимот на професор От потоа го уфрлил бубрегот и клетките на крвните садови од новородениот глушец во споменатата решетка и го следел растот на органот во наредните 12 дена, се додека клетките не ја покриле решетката. Потоа уследило имплатирање на органот во живиот глушец во кој бубрегот почнал успешно да ја врши својата функција, односно да филтрира крв и да
произведува урина.
Лабораториските тестирања покажале дека во споредба со природниот, вештачкиот бубрег е во состојба да произведува 23% урина. По пресадувањето кај глушецот, производството на урина паднала на само пет проценти. Но, според професор От, враќањето на дури и мал дел од природната функција на бубрегот, може да биде доволно.
„Работата на бубрегот од 10 до 15% веќе ве прави независни од хемодијализа. Сметам дека потенцијалниот клинички ефект на успешниот третман беше огромен. Само во САД, во моментов, на пресадување бубрег чекаат 100.000 болни а годишно се извршуваат само 18.000 трансплатации“, потенцира проф. от.
Според професорот, потребно е понатамошно развивање на оваа техника и идеално ќе биде кога одгледаните бубрези ќе се создадат од сопствентие клетки на пациентот, што ќе ја укине потребата болниот да зема имуносупресивни лекови до крајот на животот.
