Ризикот од смрт предизвикан од низко ниво на шеќер во крвта многу е поголем кај стари лица кои имаат деменција, во однос на оние кои имаат само дијабетес. Истражувачите анализирале податоци на речиси 20.000 лица на возраст од над 65 години со дијабетес тип 1 или тип 2, а кои биле набљудувани до пет години по првото забележано намалување на шеќерот во крвта.
Според резултатите од истражувањето, лицата со дијабетес имале 67% поголем ризик од смрт по опасно ниско ниво на шеќер во крвта, состојба позната како хипогликемија, во однос на оние кои имале само дијабетес.
“Хипогликемијата е еден од најпрепознатливите ризик фактори за смрт кај стари лица со дијабетес и деменција. Кога станува збор за оваа ранлива група луѓе, лекарите, но и самите пациенти би требало да се отргнат од неуморното спроведување на строгиот план за намалување на глукозата.Фокусот мора да биде насочен на ригорозно откривање на хипогликемијата со помош на континуирани апарати за следење на нивото на глукоза“, изјавија научниците.
Резултатите од истражувањето беа прикажани на годишниот состанок на Европската асоцијација за проучување на дијабетесот во Берлин.
“Без нови лекови за деменција, клучни е минимизирањето на ризикот и подобрување на негата. Знаеме дека дијабетесот може да го зголеми ризикот од развој на деменција, а со овие две наведени болести мора итно да почнеме подобро да го разбираме овој однос“, објасни д-р Џејмс Пикет, чеф на истражувањето.
