Крвните групи ја опишуваат богатата разноликост на хемикалии прикажани на површината на нашите црвени крвни зрнца. Меѓу најпознатите се А и Б, кои можат да бидат присутни заедно како АБ и 0. Дури и во овие главни крвни групи постојат суптилни варијации кои произлегуваат од мутации во одговорните гени.
Сега геномските истражувања откриле јасна врска помеѓу генот на подгрупата А1 и раниот мозочен удар.
Истражувачите собрале податоци од 48 генетски студии, кои вклучувале околу 17.000 луѓе кои имале мозочен удар и речиси 600.000 лица од контролна група кои немале мозочен удар. Сите учесници биле на возраст од 18 до 59 години.
Пребарувањето на целиот геном открило две локации силно поврзани со претходен ризик од мозочен удар. Едниот се совпаднал со местото каде се наоѓаат гените за крвната група.
Друга анализа на специфични типови на гени на крвните групи откриле дека луѓето чии геном е кодиран за варијации на групата А имале 16 отсто поголеми шанси да доживеат мозочен удар пред возраст од 60 години, во споредба со популацијата со други крвни групи.
За оние со геном за групата О1, ризикот бил 12 проценти помал.
Истражувачите меѓутоа напоменуваат дека дополнителниот ризик од мозочен удар кај луѓето со крвна група А е мал, така што нема потреба од дополнителна претпазливост или скрининг во оваа група.
“Сè уште не знаеме зошто крвната група А би претставувала поголем ризик“, вели еден од авторите на студијата, васкуларниот невролог Стивен Китнер од Универзитетот Мериленд.
“Но, тоа веројатно има врска со факторите на згрутчување на крвта, како што се тромбоцитите и клетките што ги обложуваат крвните садови, како и другите циркулирачки протеини, кои играат улога во развојот на згрутчување на крвта“, додава тој.
