Според резултатите од разни истражувања за тоа колку штетни микоорганизми распрскуваат околу себе, подобро е рацете не ги сушите под апаратите за таа намена. Всушност, многу е подобро да ги избришете со хартија, или да ги оставите мокри, предупредуваат стручњаците.
Најновото истражување за количината на бактерии, вируси и габи, кои овие апарати ги распрскуваат од рацете кои не се добро измиени, прават и оние другите кои ќе го искористат, да се заразат, е правено апарати во болнички тоалети во три градови во различни држави во Европа, во Париз, Лидс и Удине во период од три месеци.
Во секој град, како што пишува Journal of Hospital Infection, набљудувани се два тоалети кои го користеле пациенти, вработени во болницата, како и луѓе кои доаѓале во болницата на посета. Значи, и болни и здрави лица. Тие во секој тоалет имале моженост рацете после миење да ги исушат под апарат или да ги избришат со хартија. Секој ден биле земани примероци од воздухот и брисеви од површината на тоалетите.
Анализите од примероците и брисевите покажале дека вкупната количина на бактерии, како во воздухот, така и на површината на тоалетите била многу поголема во оние тоалети во кои се користеле сушачи за раце. Најголеми разлики во количината на бактерии се забележани на самиот апарат за сушење и околу него.
Во Удине сушачот бил 100 пати позагаден отколку местото каде што стоеле хартиените брисачи, во Париз 33 пати,а во Лидс 22 пати.
