Според истражување објавено во списание за општа внатрешна медицина од страна на експерти од Бостонскиот медицински центар, честата болка во грбот кај жените во возрасниот период од животот може да сигнализира за висок ризик од предвремена смрт.
Научниците решиле да ги анализираат причините за болката во грбот кај жените. Жените во возрасна група меѓу 40 и 80 години најчесто се жалат од појавата на таква болка – случаи за посета на специјалист за болки во грбот се регистрирани почесто отколку кај мажите. Во тој слуач болката во грбот кај жените може да биде продолжена и истоштувачка.
Како резултат на истражувањето, научниците заклучиле дека проблемите со мобилноста кај жените поради болка во грбот се поврзани со предвремена смртност. Жените свесно или несвесно си ја ограничуваат мобилноста поради болката во грбот – тоа може да биде поврзано со развојот на дебелина, хронични заболувања, што во крајна сметка води до предвремена смрт, сметаат тие.
Истражувачкиот проект вклучил над 8.000 возрасни жени кои биле следени во период од 14 години. За тоа време, повеќе од половината од учесничките починале, и по анализата на причините за смртта, како и нивната медицинска историја, научниците откриле врска помеѓу болката во грбот и тенденцијата за предвремена смрт кај жените.
“Жените кои често или постојано се жалат на болки во грбот имаат за 24% поголем ризик од смрт во споредба од жените кои не се жалеле на такви болки“, тврдат научниците.
