Научниците од Универзитетот во Даблин го испитале ефектот на млечните производи – млеко, сирење, јогурт, павлака и путер на 1500 лица на возраст од 18 до 90 години.
Резултатите покажале дека консумирањето на полномасни млечни производи не е поврзано со зголемување на телесната маса или со растот на т.н. лош холестерол (ЛДЛ) во крвта. Ефектот е всушност, спротивен. Лицата кои се хранат со тие намирници имаат помала телесна тежина, понизок процент на телесни масти, помал обен на половината и понизок крвен притисок.
“Лицата кои консумирале многу полномасни млечни производи внесувале многу повеќе заситени масти (т.н. лоши масти), од оние кои јаделе малку полномасни млечни производи или воопшто не ги консумирале, но поради тоа немале зголемен ЛДЛ холестерол“, изјавила Ема Финеј, авторка на студијата.
Тогаш, како се можни вакви резултати?
Групата испитаници кои консумирала “light” млечни производи, се покажало дека имаат повисок ЛДЛ холестерол. Тоа, наведуваат научниците, е поради тоа што со овие лајт производи имале поголем внес на јаглехидрати.
“Она што по ваквите резултати мора да се разгледа е дека овие намирници сами по себе не се одговорни за дебелеење или холестеролот, туку е важна вкупната исхрана, односно другите намирници кои се консумираат со нив“, додава Финеј.
