Истражувачите ја анализирале содржината на нутриенти во осум продукти (брокула, карфиол, пченка, грашок, мешунки, спанаќ, боровници и јагоди), во шест различни годишни периоди во текот на две години. Производите ги поделиле во три различни групи:свежи, свежо складирани (чувани во фрижидер пет дена) и замрзнати.
Во повеќе споредувања, истражувачите не нашле никаква значителна разлика во содржината на нутриенти во овошјето и зеленчукот, особено витамин Ц, провитамин А и сите фолати. Тие откриле дека и кога имало разлики, замрзнатите производи всушност имале поголема можност да ги задржат нутриентите во однос на она кое е свежо складирано.
Тоа е затоа што овошјето и зеленчукот произведуваат ензими кои брзо водат до уништување на нутриентите. Замрзнувањето го сопира тој процес, задржувајќи ги сите нутриенти, па затоа замрзнете ги додека не ги консумирате, велат нутриционистите.
Консумирањето на доволни количини од овие производи е еден од најлесните начини да го зголемите внесот на витамини и минерали кои се пресудни за здравјето на мозокот, имуниот систем, кожата, мускулите и уште многу друго. Исто така, исхраната збогатена со овошје и зеленчук може да ве направи посреќни и да ве наполни со повеќе енергија.
Меѓутоа, според студија спроведена во 2013 година во Центрите за контрола и превенција на болести, дури 90% од Американците не ги јадат препорачаните количини (2-3 шолји) зеленчук дневно, а околу 80% од луѓето, не јадат доволно овошје.
Омиленото замрзнато овошје користете го во комбинација со зелен лиснат зеленчук, како спанаќ, блитва, во вкусни и хранливи смутија за појадок или во било кое друго време од денот.
