По спроведеното истражување, професорот по микробиологија, Чарлс Герба изнел податоци за предметите и просторите кои се највалкани, а со кои секојдневно сме во контакт. Иако многумина веруваат дека најголем извор на бактерии е даската на веце-школката, грешат. Даските можеби се и најчистите делови во бањата, бидејќи тие и најмногу се чистат.
Кои се највалканите предмети, со кои секојдневно сме во контакт?
Четка за заби
Каде ја оставате четката за заби? Станува збор за највалканото место, бидејќи, според испитувањата на научниците луѓето најмалку ги чистат овие места. Извештајот од здравствената организација НСФ Интернационал, од 2011 година, покажал дека постојат колиформни бактерии на дури 27% од местата каде што се оставаат четките за заби. Оваа бактерија предизвикува разни болести.
Крпи за бања
Познато е дека бактериите сакаат влажни места, а крпите се идеални бидејќи се направени да ја впиваат водата. Повеќе луѓе не ги мијат рацете како што треба, па така бактериите ги префрлаат во крпата, која претставува совршено место за понатамошно развивање. Крпите за бања потребно е да се менуваат на секои два дена.
Сунѓер за садови
Најголемиот впивач на бактерии е сунѓерот. Станува збор за непријател на здравјето кој е главен во кујната. На него веројатно се наоѓаат милион бактерии. Научниците наведуваат дека 75% од сунѓерите содржат колиформни бактерии. Препорачливо е кујнсккиот прибор да се мие во машина за садови или со детергент. Највалкани предмети, покрај сунѓерот, се четката за миење садови и даската за сецкање.
Количка во супермаркетите
На количките од супермаркетите живее Ешерихија коли. Голем број на луѓе секојдневно поминуваат низ супермаркетите, допираат прехранбени производи, а потоа ја допираат и количката, која најверојатно и никогаш не се брише. Покрај количката, бактериите се множат и на кесите за повторна употреба, на торбите, клучевите, тастурата и на други предмети. Најважно е детално да ги измиете рацете откако ќе се вратите дома и водете сметка да не го допирате лицето пред тоа, наведува проф. Герба.
Мобилен телефон
Мобилниот телефон најмногу го допираме преку целиот ден. Како таков, тој претствува совршено место за развивање на бактерии. Истражувањата покажале дека еден од шест телефони е контаминиран со фекални материи. Редовно чистете го телефонот.
