Истражување на Linkedin водечка социјална мрежа за работа и бизнис луѓе, покажало дека гојазните вработени лица имаат помали примања во однос на нивните послаби колеги.
Истражувањето е спроведено на основ на опсежна анкета во која учествувале 4.000 вработени од Велика Британија. Анкетираните испитаници кои биле класифицирани како дебели, рекле дека во просек годишно заработуваат 1.940 фунти помалку од лицата со умерена телесна тежина.
Според истата студија, 25% од лицата со прекумерна тежина и една третина од категоријата на гојазни лица, одговориле дека веруваат дека телесната тежина ги спречила да бидат промовирани на повисоки позиции во компанијата. Повеќе од половината, 53% вработени со прекумерна телесна тежина неретко не можеле да добијат одредени работни обврски. Истражувањето на Linkedin покажало дека диспаритетот е уште поголем кога е во прашање возраста и полот.
Според резулатите од анкетата, жените кои се гијазни или имаат прекумерна телесна тежина, имаат поголема веројатност да примаат пониска плата отколку мажите со иста телесна тежина. Студијата исто така покажала дека помладите вработени на возраст од 16 до 24 години се најсвесни колку телесната тежина може да има негативни псоелдици на работното место.
