Според податоците за примена на вакцината на АстраЗенека, со една доза вакцина се постигнува 80 процентен помал ризик од смрт предизивикана од новиот коронавирус, информира во понеделникот јавното здравство на Англија.
Нагласено е и дека новата анализа покажува дека заштитата од смрт со вакцината на Фајзер – Бионтек се зголемува од приближно 80 проценти по првата доза на 97 проценти по втората примена доза.
Државната агенција за јавно здравство на Англија објави дека студијата за заштитата од смртноста што ја нуди вакцината на АстраЗенека се темели на реални податоци.
Во истражувањето се земени предвид симптоматски случаи на болеста КОВИД-19 откриени помеѓу декември и април, како и починати лица во рок од 28 ден од позитивен тест со оглед на вакциналниот статус.
“Со оглед на понудата и изборот на вакцини против коронавирусот, една доза од било која вакцина нуди приближна заштита од смртност од 80 проценти“, се наведува во соопштението.
Заштитата од смртност што ја нуди вакцината на Фајзер е зголемена на 69 проценти за оние кои ја примиле и втората доза, најмалку една недела пред да бидат позитивни. Земајќи ја предвид почетната проценка на заштита од инфекција со коронавирусот, се работи за 97 процентна ефикасност на вакцината, дополнуваат експертите.
Анализирајќи друга група податоци, од агенцијата напоменуваат дека се проценува дека две дози на Фајзер вакцината го намалуваат ризикот од хоспитализација за 93 проценти за лицата постари од 80 години.
