Не е никаква тајна дека да се биде келнер е навистина тешка и напорна работа. Замислете го утрото кога на сите им спремате кафе освен на себе, замислете навечер кога мора да исфрлите пијани гости од локалот, а да не зборуваме за нозете кои постојано ве болат, како и грбот и сите останати делови од телото.
По кратко размислување веројатно ќе зажалите што безобѕирно сте му подвикнале на келнерот кој заборавил да ви ја донесе сметката или го погрешил кафето… Имено, новото истражување спроведено на универзитетот „Southern Medical“ во Кина собрало податоци од околу 138 700 учесници на тема „здравје и неговата поврзаност со работата“. Користејќи ги информациите, истражувачите ги класифицирале работните места во групи, во зависност од тоа колку се тешки. На пример, меѓу последните биле местата чија работа е на лента, во средината биле научници и архитекти, а на врвот на најстресни професии – професори и доктори, вклучувајќи ги и неврохирурзите.
Во категоријата на „високо стресни работни места“ се нашле и оние на келнерите, кои работата ја опишале како работа со ниска контрола (затоа што не знаете што ве чека тој ден на работа и не сте вие оние кои ги држат работите во своите раце), а високи барања. Келнерите имаат 22 отсто поголеми шанси за срцев удар, отколку оние кои работат на помалку стресни работни места, а кај жените таа бројка се зголемува до 33 проценти.
Архитектите и научниците се кандидати за висок крвен притисок, но, од друга страна, во овие работи, спротивно на келнерите, имаат чувство дека се главни и дека ги држат работите под контрола
Келнерите почесто пијат и пушат цигари, што се уште два фактори лоши за здравјето, а со оглед на тоа дека се постојано под стрес, експертите велат дека имаат и лоши навики во исхраната и малку време за вежбање.
