Куркуминот кој се добива од коренот на билката куркума нашироко се користи за подобрвање на вкусот и бојата на храната, но истовремено може да помогне во спречување или во борбата против ракот на желудник, покажува најновата студија.
Бразилски научници утврдиле можни тераписки ефекти на овој пигмент и други биоактивни соединенија во храната врз ракот на желудник.
Утврдено било дека хемиските соединенија како што е колекалциферолот (форма на витамин Д), ресвератролот (присутен во семките од грозје) и кверцетинот (се наоѓа во јаболките, брокулата и кромидот), исто така може да спречат или да се борат против ракот на желудник оти се природни регулатори на хистонската активност.
Инаку, истражувањата во последните години сугерираат дека посттранслациската модификација на хистоните, предизвикуваат промени во експресијата на гените без влијание на секвенцата на ДНК. Овие епигенетски варијации влијаат на равзојот на различни видови на карциноми.
