Еден од најмногу продаваните производи за во домот се миризливите свеќи. Освен што пружаат чувство на топлина и убав мирис, тие се и убав украс. Меѓутоа, она на што производителите не не предупредиле, тоа се последиците по здравјето кои миризливите свеќи може да ги предизвикаат.
Последните истражувања, испарувањето и гасовите кои свеќите ги емитираат, ги поврзале со појавата на рак. Свеќите кои масовно се произведуваат содржат парафински восок, супстанца на база на петролеј, добиен од сурова нафта. Восокот што гори содржи 11 тоскини од кои два се канцерогени – толуен и бензен.
Автор на една од студиите професор Џером Нриагу докажал дека палењето на ваквите свеќи во домот преставува поголема опасност од чадот од цигарите.
Фитилот е дополнителен непријател
Во земјите од каде што кај нас се носат најмногу свеќите, вложувањата во производството се многу мали. Поради тоа во производството на фитилот се користат тешки метали, најмногу оловото. Користењето на оваа штетна супстанца, која никогаш не го напушта телото во целост, забранета е во Европа и САД,уште во седумдесетите години на минатиот век.
Како да се заштитите?
Сепак, постојат решенија како без грижа да уживате во убавиот изглед и мирис на свеќата. Денес постојат многу алтернативи кои го заменуваат масовното производство на штетни свеќи. Одберете свеќи кои се направени од пчелин/соин восок или на база на масла, како и оние кои немаат мириси, бидејќи имаат помал дим и штетни супстанци.
