Тестирањето на антитела во крвта заради утврдување на инфекција со коронавирусот, даваат пониски бројки во однос на реалната состојба, бидејќи антителата постепено исчезнуваат од организмот, покажало истражување на Американскиот центар за превенција и контрола на болести (CDC), објавено вчера.
Падот на нивото на антитела, нужно не значи дека луѓето се изложени на повторна инфекција, бидејќи ги штитат други делови на имуниот систем и антителата делуваат и по почетната инфекција, велатт стручњаците. Реалното траење на имунитетот се уште не е познато.
Тестовите на антитела станаа рутински во бројни земји и се прават на различни нивоа, со репрезентативни примероци, во цели места и често на основа на примероци од банка на крв. Тие помогнаа во согледување на реалната состојба со пандемијата, со дијагностичките тестови кои имаат позитивни резултати само во текот на инфекцијата, а не по неа, а кои во некои места се премалку и главно не се спроведуваат на лица кои немаат симптоми.
Истражувачите од Центарот земале крв и тестирале повеќе од 3000 негуватели од 12 американски болници од април до јуни 2020. Истражувањето покажало дека 194 лица или шест проценти имале антитела на коронавирусот. Околу два месеци подоцна 156 од нив повторно биле тестирани и кај 94 проценти нивото на антитела паднало. Кај 28 проценти нивото било под прагот што обично покажува дека инфекцијата поминала.
“Тие резултати сугерираат дека серолошките тестови во одреден момент без сомнеж ќе покажат помал број на претходно заразени со коронавирусот и дека негативните тестови нужно нема да ја исклучат можноста за инфекција“, истакнуваат авторите на истражувањето.
Колку учесниците имале повеќе симптоми, толку нивото на антитела им било повисоко.
Втор заклучок од истражувањето е дека на индивидуално ниво не треба да потпира на серолошкиот тест во одредување дали некој претходно бил болен од КОВИД-19, велат научниците.
