Вакцина која лекува и спречува појава на акни наскоро би можела да стане реалност, бидејќи научниците откриле начин како да ги блокираат бактериите кои ја оштетуваат кожата.
Оваа бактерија живее во кожата, а научниците успеале да ја спречат да произведува токсини кои се причина за воспаленијата. Третманот е вид на имунотерапија која го користи имуниот систем на телото да се бори со бактеријата.
Експерти од Универзитетот во Сан Диего, изјавиле дека пронашле начин да се изборат со акните. Тестовите ги правеле на глувци, но и на човечка кожа. Тие изјавиле дека протеините од имуниот систем – антителата го намалуваат отекувањето на кожата.
Бактеријата propionibacterium acnes живее на кожата кај поголем број луѓе, но неретко предизвикува црвени точки и воспаление. За да успее во тоа, ослободува токсин кој би можел да се стопира со вакцината.
„Моменталните третмани против акни немаат ефект. Нова, сигурна и ефикасна терапија навистина е потребна, особено за адолесцентите кои патат од акни“, изјавил носителот на студијата Чун-Минг Хуанг.
