Одењето во кино, театар или музеј може да биде ефикасно средство за превенција од депресија, утврдиле истражувачите од University College во Лондон. Колку почесто се присуствува на вакви и слични културни случувања, толку е помал ризикот за депресија, потврдуваат податоците собрани од околу 2000 испитаници постари од 50 години.
Студијата покажала дека лицата кои во кино или театар одат барем еднаш месечно, имаат за околу 48% помал ризик за депресија.
Поврзаноста може да се објасни со јакнење на социјалните ангажмани, како и редуцирање на изолацијата и осаменоста, објавено е во British Journal of Psychiatry.
Покрај ова, во проучувањата кои траеле десет години, забележано е дека присуството на културните случувања е поврзано со зголеменото излачување на невротрансмитерот допамин, познат по поттикнувањето на доброто расположение.
