Лицата кои ја надминале болеста КОВИД-19 имаат за 91 процент понизок ризик од инфекција во следнит седум месеци, покажало истражување на Медицинскиот факултет во Грац, објавено со списанието Journal of Clinical Investigation.
Тоа значи дека претходна инфекција со новиот коронавирус создава речиси иста заштита како вакцинираните лица, барем во покус период, покажало истражувањето спроведено во Австрија.
Студдијата проучувала како лицата кои биле заразени во првиот бран на инфекцијата, од февруари до април, поминале во вториот бран од септември до ноември.
Во споредба со останатата популација во Австрија, тие имале значајно посилна отпорност на инфекцијата.
“Тие податоци покажуваат дека расте имуноста на SARS-CoV-2, иако се уште не знаеме до која мера тој имунитет се однесува и на различните мутации на коронавирусот или колку долго и во која мера трае заштитата од реинфекција во подолг временски период“, вели Франц Алербергер од Австриската агенција за здравје и безбедност на храна.
Потребни се понатамошни евалуации низ подолги временски периоди и анализа на податоците од други земји.
Резултатите се слични на оние до кои дојдоа британските здравствени работниви кои открија дека речиси 90 проценти од заразените со новиот коронавирус имаат антитела во својот организам шест месеци по инфекцијата.
Податоците од февруари на најголемата биомедицинска база на податоци во Велика Британија, UK Biobank, покажуваат антитела кај 88 проценти од учесниците испитани по шест месеци. По три месеци процентот е 99.
