Наоди на научници од Универзитетот во Лондон објавени со стручното списание Nature, укажуваат на брзо опоравување на белите дробови кај лицата кои претстанале да пушат цигари.
Се покажало дека мутацијата кои доведуваат до рак на белите дробови не се трајни и дека во случај на престанок на пушење, клетките кои избегнале оштетувања, може да го “поправат“ ткивото на белите дробови.
Оваа појава е воочена и кај лица кои пушеле по една кутија цигари дневно во период од 40 години.
Станува збор за оштетувања предизвикани од илјадниците хемиски соединенија во димот од цигарите кои постапно ја менуваат ДНК.
Овие оштетувања се присутни и кај пушачите кои не заболеле од рак, а во одредени клетки се откриени до 10.000 генетски промени.
