Луѓето не се создадени да деновите да ги минуваат седејќи. За жал, голем број работни места присилуваат на таков начин на живот.
Без разлика на тоа колку вежбате, прекумерното седење на долги патеки е еден од клучните причинители за прерана смрт, тврди истражување објавено во Annals of Internal Medicine.
Истражувањето спроведено на 8.000 испитаници утврдило дека постои директна поврзаност помеѓу времето поминато седејќи и ризикот од предвремена смрт. Конкретно, што подолго се седи, поголеми сде шансите дека ќе се случи (пре) рана смрт. Сепак, научниците велат дека постои начин како може работите да се променат уште денес.
Лицата кои седеле помалку од 30 минути во еден интервал, имале помал ризик од предвремена смрт, се наведува во студијата.
Сепак, главниот автор на ова истражување, научникот од Универзитетот Колумбија, Кит Диаз предупредува дека дури и да ако станувате секој половина час и прошетате, нема во целост да го елиминирате споменатиот ризик.
“Кога тоа би било така, би било исто како некому да кажете да вежба, а не му објасните како“, потенцира проф. Диаз.
Тој вели дека постојат јасни насоки. На пример, на возрасните им се препорачува да прават аеробни вежби со умерен интензитет околу два часа неделно, но и активности за јакнење на мускулите два или повеќе денови во неделата. Освен тоа, проф. Диаз препорачува на секој половина час седење, да се стане и да се поминат пет минути во интензивно пешачење.
