Научниците откриле дека продолжената изложеност на стрес, на пример, за време на воен конфликт, може да влијае врз квалитетот на спермата. Ако минувате низ стресен период во вашиот живот, тоа може да влијае на вашата плодност, тврди новата студија, пишува „Мирор“.
Безбедносната ситуацијата ја влошува и плодноста
Научниците од израелскиот Универзитет „Бен-Гурион“ откриле дека долготрајното изложување на стрес, кое, да речеме се случува во време на воен конфликт, може да влијае врз квалитетот на спермата. „Веќе е познато дека менталниот стрес и штети на плодноста, но не било истражувано неговото влијание на квалитетот на спермата. Оваа студија покажува дека долготрајниот стрес може да влијае врз квалитетот на спермата“, изјавил д-р Елиаху Левитас, шеф на студијата.
Ниската мобилност ги намалува шансите дека ќе дојде до успешно оплодување на јајце клетката
Во склоп на истражувањето, научниците анализирале 10 536 примероци на сперма донирани за време на нестресни периоди помеѓу 2009 и 2017 година, кои ги споредиле со 659 примероци на сперма земена два месеца по воените конфликти меѓу Израелците и Палестинците во појасот Газа во 2012 година и во 2014 година. Анализата покажала дека 37 отсто од примероците на сперма земени за време на стресните периоди имале слаба подвижност на сперматозоидите. Генерално, кај примероците на сперма од стресните периоди имало 47 проценти поголеми шанси за намалување на подвижноста на сперматозоидите во однос на периодот кога не постоел стрес. Ниската мобилност ги намалува шансите дека ќе дојде до успешно оплодување на јајце клетката.
„Заклучивме дека секој човек кој слушнал тревога за проектили кои доаѓаат за време на конфликтот доживеал стрес во текот на денот, а тоа често се повторувало во текот на еден подолг период“, објаснил д-р Левитас. „Бевме изненадени кога дознавме дека постои врска помеѓу безбедносната ситуација и бројот на сперматозоиди.“
