Истражување направено меѓу 2.300 учесници во Велика Британија открило дека само еден процент од нив успеале да посочат начини за заштита од деменција и можните ризици, кои се водечки фактори за развој на болеста.
Постојат шест ризик фактори кои предиспонираат кон деменција. Тоа се алкохолизам, генетска предиспозиција, пушење, висок крвен притисок, депресија и дијабетес.
Студијата, наречена Монитор за ставовите кон деменцијата, открила дека половина од возрасните во Велика Британија познавале барем едно лице што страда од оваа болест.
Но, само половина од нив знаат дека деменцијата може да биде смртоносна, а 1/5 од испитаниците погрешно веруваат дека таа е составен дел на стареењето.
Сепак, во една третина од случаите е докажано дека можеме да влијаеме на болеста. Само 34% од испитаниците сметале дека е можно да се намали ризикот од деменција, наспроти 77% кои тоа го изјавиле дека е можно само за кардиоваскуларните болести и 81% за дијабетесот.
Хилари Еванс, шеф на Фондацијата за истражување на Алцхајмеровата болест, вели дека и покрај зголемената информираност за деменцијата во општеството, се уште има многу неточни информации.
“Тажната вистина е дека оваа состојба засега многу повеќе луѓе отколку порано, а половина од нас знаат некого со оваа болест. И покрај зголемената јавна свест за деменцијата, треба да работиме напорно за да го подобриме нашето разбирање за причините за деменција”, вели Еванс.
