Истражувачите откриле дека редовни седум часа сон во текот на ноќта се идеални за когнитивните перформански, општата добросостојба и менталното здравје за лицата на средна и постара возраст.
Од искуство знаеме дека денот на работа ќе ни биде тежок по долго излегување претходната вечер, но иако звучи парадоксално, повеќе сон и не е нужно добро за лицата на средна и постара возраст, покажало истражување чии резултати се објавени во списанието Nature Aging.
Истражувачите од Универзитетот Кембриџ и Фухан откриле дека седум часа сон навечер е идеално за лицата во средна или постара возраст и заклучиле дека повеќе или помалку сон од тоа може негативно да влијае на нивното ментално здравје и да предизвика полоши ментални перформанси.
Истражувачите проучиле податоци кои се однесуваат на 500.000 возрасни помеѓу 38 и 73 години. Испитаниците одговарале на прашања за обрасците на спиење, за менталното здравје и општата состојба, а исполнувале и когнитивни тестови. Истражувачите имале пристап и од снимки од магнетна резонанца на мозокот и генетски податоци за 40.000 испитаници.
Времетраењето на сонот влијае на когнитивните перформанси
Научниците откриле дека премногу или премалку сон е поврзан со намалени когнитивни перформанси. Испитаниците биле побавни при решавање тестови, имале пократок распон на внимание и полошо ги решавале проблемите. И нивното ментално здравје било полошо, а кај повеќето е забележан пораст на анксиозност, симптоми на депресија и полоша општа состојба.
Тие појаснуваат дека пречките во текот на плиткиот сон (составен дел од длабокиот сон) е можната причина за намалување на когнитивните преформанси. Тие се поврзуваат со таложење на бета-амилоидни молекуки. Се смета дека овие протеински наслаги, чии големи таложења се наоѓаат во мозокот на пациентите кои боледуваат од Алцхајмерова болест, допринесуваат за смрт на невронските клетки.
Истражувачите откриле дека редовни седум часа сон во текот на ноќта се идеални за когнитивните перформански, општата добросостојба и менталното здравје за лицата на средна и постара возраст.
Иако во истражувањето не е објаснета причинско-последичната врска, резултатите покажуваат дека премалку или премногу сон може да претставува ризик фактор за когнитивен пад во постарата возраст, тврдат истражувачите.
“Не можеме со сигурност да кажеме дека премалку или премногу сон предизвикува когнитивни проблеми, но анализата во чии рамки проучувавме повеќе поединци во подолг временски период ја потврдува оваа теза“, вели професорот Џианфенг Фенг од Универзитетот Фудан во Кина.
ГЕНЕРАЛНО, НАУКАТА ВЕЛИ ДЕКА:
За луѓето над 40 години, препорачано е да спијат помеѓу 7 и 9 часа секоја ноќ. Количината на сон што му е потребна на секој поединец може да варира, но генерално, овој опсег е оптимален за одржување на добро физичко и ментално здравје.
Некои луѓе можат да се чувствуваат одморени со помалку од 7 часа сон, додека други можат да имаат потреба од повеќе од 9 часа. Важно е да се слуша телото и да се обрне внимание на квалитетот на сонот, а не само на времетраењето. Доволниот и квалитетен сон е клучен за когнитивната функција, имунолошкиот систем и целокупното здравје, особено со стареењето.
