Режимите на исхрана кои целосно го исклучуваат глутенот од исхраната, протеин кој се наоѓа во намирници како што се лебот, тестенините и житарките – се мошне популарни во последните години. Но прашањето кое се отвора по низата направени истражувања е всушност – колку тие се оправдани?!
Истражувачите од Шефилд и Ридинг тврдат дека избегнувањето на овие производи може да биде бесмислено. Имено, во склоп на спроведеното истражување им дале на здрави волонтери, на кои не им била дијагностицирана чувствителност на глутен, да додаваат органска или мешавина без глутен во храната два пати на ден во текот на две недели.
Студијата, објавена во списанието Gastroenterology, откри дека групата која јадела глутен немала повеќе проблеми со стомакот за разлика од групата без глутен.
Д-р Паола Тоси, од Универзитетот Ридинг, вели: „Се чини, дека на глутенот честопати не оправдано му е дадена улогата на негативец во нашата исхрана“.
