Сега истражувањата покажуваат дека рибиното масло им помага на пушачите да се откажат од цигари, но и во превенцијата и лекувањето на бројни болести. Лекарите препорачуваат риба на трпезата да се најде барем два пати неделно и тоа една порција да биде морска, масна риба како туна или бакалар. Иако омега 3 масните киселини, кои ги прават така моќни сојузници може да се најдат и во зелениот лиснат зеленчук, интегралните житарки и оревите, рибата е најбогата со овој нутриент.
Еве зошто треба редовно да се јаде риба:
Помага при учењето – Бројни истражувања покажале дека рибиното масло ја подобрува способноста за учење кај децата, но и нивното однесување,а особено корисно се покажало кај децата со АДХД и тешкотиите во учењето. Неодамнешното истражување спроведено на Универзитетот во Оксфорд покажало дека омега 3 масните киселини може да го подобрат однесувањето и читањето кај децата доколку се коритат редовно 16 недели.
Спречува срцев удар – Омега 3 масните киселини го намалуваат воспалението на артериите кое доведува до срцев удар, а делува и како антикоагулант кој го подобрува протокот на крв.
Го подобрува помнењето – Омега 3 масните киселини се сметаат за одлични во подобрувањето на когнитивните функции. Студија открила дека исхрана богата со омега 3 може да го зголеми волуменот на дел од мозокот одговорен за помнење и заштита од деменција.
За подобар вид – Експерименти спроведени на Универзитетот Харвард докажале дека омега 3 ги намалува шансите од макуларна дегенерација, која е главна причина за слепило кај постарите лица.
