Животот често не поврзува со луѓе кои не исцрпуваат. Можеби тоа е далечен роднина кој (намерно) ви се обраќа со погрешно име, пријателка која никогаш не ви ја враќа позајмената облека или колега кој инсистира на користење на вашата храна и канцелариски материјали.
Кој било и да е во прашање, веројатно, повремено и самите се прашувате зошто тие личности се и понатаму во вашиот живот… Новото истражување кое го спроведоа истражувачите од Универзитетот „Беркли“ во Калифорнија, вели дека ги задржуваме „тешките“ луѓе во животот од две причини: или ни требаат или поради некоја причина не можеме да ги избегнеме, пишува „Independent“.
Најчесто станува збор за членови на семејството или колеги.
Испитаниците како особина која некоја личност ја прави „тешка“ го навеле недостатокот на поддршка која се очекува од нив
Во истражувањето учествувале повеќе од 1 100 возрасни лица, кои одговарале на прашања во врска со нивните социјални врски: во кого имаат доверба, со кого се дружат и за тоа на кого би се јавиле во случај на нужда. Тие, исто така, разговарале и за луѓето со кои имаат напнати односи и ги опишувале. Околу 15 отсто од овие луѓе се постари членови на семејството, блиски роднини и женски роднини.
„Тоа се луѓе со кои сме комплексно поврзани“, велат д-р Шира Офер и професор Клод Фишер, кои го вршеле истражувањето.
„Многу од нив се блиско семејство кои ни се потребни и ги сакаме, другите едноставно не можеме да ги одбегнеме. Општествените норми диктираат дека едноставно треба да заминеме од тие луѓе, па некогаш сме во искушение да го направиме токму тоа“, велат истражувачите.
Она што испитаниците го навеле како особини кои некоја личност ја прават „тешка“ се недостатокот на поддршка која се очекува од неа. Врските со родителите се опишани како особено тешки.
