Ние не живееме во таков свет, но, за среќа, постојат неколку начини тоа да се спречи. Што е итна контрацепција, зошто не се смета за абортус и какви се последиците кои жените можат да ги имаат по употребата.
Кои се опциите за итна контрацепција?
Таблетите можат да се купат во аптека без рецепт. Таблета треба да се земе во рок од 72 часа после незаштитен секс, но колку побрзо го направите ова толку е подобро. На пример, ако земете таблета после три дена таа ќе го намали ризикот од бременост за 89 отсто, а ако тоа го сторите во рок од 24 часа, тогаш за 95 отсто.
Кој може да ја користи?
Итната контрацепција може да биде неопходна за секоја жена или девојка во репродуктивниот период за да се одбегне несаканата бременост. Апсолутни медицински контраиндикации не постојат. Исто така, не постои ни старосна граница.
Дали ова се смета за абортус?
Итната контрацепција не се смета за абортус и не и штети на веќе постоечката бременост. Таблетите спречуваат јајце-клетката да биде ополодена. За абортус може да се смета само уништувањето на постоечки ембрион. СЗО наведува дека употребува на лекови кои ја спречуваат бременоста во случаите кога таа веќе дошла, не му штети на здравјето на мајката и на фетусот.
Постојат ли контраиндикации?
Изненадувачки, но најзначајна е вашата тежина. Ефикасноста на таблетите се намалува во зависност од тоа колку сте тешки. Во две студии спроведени во 2011 и 2015 година утврдено е дека жените со БМИ поголем од 25 и жените кои тежат повеќе од 80 кг почесто забременуваат дури и по земањето таблета.
Кои се несакани ефекти?
Кога земате таблета за итна контрацепција, може да имате мачнина, повраќање, болка во стомакот, вртоглавица, чувствителност во градите. Ако сте загрижени дали тестот делувал, можете да направите и тест за бременост недела или две по земањето на таблетата.
Може ли таблетата да доведе до неплодност?
Дури и повторна употреба на итна контрацепција не влијае негативно на изгледите за бременост во иднина. Сепак, докторите советуваат таблетите да не се користат како алтернатива на средствата за контрацепција. Ако не планирате бременост и сакате да бидете сигурни, треба да зборувате со својот гинеколог за можностите за зашита од зачнување кои ви се достапни.
