Меѓутоа она што многу жени не го знаат е појавата на симптоми кои укажуваат дека менопаузата се ближи, а тоа е перименопаузата. Таа во просек трае три до четири години, и обично почнува во доцните четириесетти. Не е редок случај да трае само неколку месеци, но и цела деценија.
За време на менопаузата менструалниот циклус на жените станува неправилен. Жените кои никогаш не родиле и оние кои рано влегле во пубертет или имаат кус менструален циклус, имаат поголема веројатност дека ќе доживеат перименопауза порано.
Што се случува со хормоните?
Јајниците произведуваат женски хормони естроген и прогестерон, кои ја контролираат менструацијата и овулацијата. Од доцните триесетти бројот на јајце-клетки во јајниците побрзо се намалува. Нивото на естроген се менува, поточно нагло опаѓа околу две години пред менопаузата и се стабилизира околу две години после. Прогестеронот, исто така, опаѓа пред менопаузата затоа што настанува само ако јајце -клетката се исфрли. Недостатокот на прогестерон може да резултира со нередовни, потешки и продолжени менструации за време на перименопаузата.
Вообичаени симптоми
Жените може да имаат низа симптоми за време на перименопаузата, вклучително: валунзи, ноќно потење (студена пот), анксиозност, депресивно расположение или промени на расположението, пореметување на сонот и умор, зачестено или итно мокрење.
Добивање килограми
Неодамнешно американско истражување покажало дека менопаузалниот премин го следат промени во телесниот состав и траат до две години после менопаузата. Откриено е дека добивањето килограми почнало во перименопаузата и постојано се зголемувало за време на перименопаузата, околу 0,4 кг годишно. Недостатокот на вежбање, нездрава исхрана, пониско ниво на образование, недоволен сон, бројот на породувања кои ги имала жената, како и семејната историја на дебелина, можат значително да придонесат за зголемување на телесната тежина на средна возраст.
