Со доаѓањето на топлите денови, чевлите ги менуваме со проѕирни и отворени обувки. Поради тоа, почести се и повредите, па затоа треба особено да се внимава на негата на стапалата. Изборот на соодветни чевли за активности и период од годината, е особено важно.
“Треба да се внимава на квалитетот и стабилноста на обувките, како и да се обрне внимание на тоа ногата да е заштитена, а истовремено да се бираат проѕирни чевли, за да може потта да се ветрее. Влагата и топлината годат на растот на габички, а во текот на летните месеци во одреден тип на чевли температурата може да се искачи и до 50 степени“, објаснува дерматовенерологот Весна Ламер.
Според неа, во летните чевли, прстите често не се заштитени, па каменче или гребнатинка може да доведат до повреди, кои не треба да се игнорираат, туку треба да се дезинфицираат и да се заштитат со фластер за раната дополнително да не се валка при одењето.
Д-р Ламер дека на кожата на стапалата посебно треба да внимаваат повозрасните лица, лицата со дијабетес и оние кои имаат деформации на прстите.
“Ако прстите неприродно стојат, во текот на одењето се создава триење поради кое се појавуваат зачестени воспаленија на кожата. За тоа да се избегне, треба да се обрне внимание на хигиената. Стапалата преку лето треба да се мијат почесто, најмалку два пати во денот, а причината не е само освежување од горештините, туку и таложењето на нечистотиите. Треба да се бираат благи сапуни кои ја чуваат кожната бариера и не ја отстрануваат заштитната аснотија и не ја менуваат киселоста на кожата, ниту пак бактериолошкиот микробион на кожата“, потенцира д-р Ламер.
