Иако во овој период, барем засега, температурите се повисоки од вообичаените, не е лошо да се информирате дека можете да го измамите телото и умот, и за кратко време да се стоплите во моментите кога сте подолго време надвор, на пониски температури.
Дишење
Во една студија, учесниците користеле медитативно дишење за да ја зголемат температурата. Длабоко вдишете, а додека издишувате, притиснете ги мускулите на стомакот. Покрај ова, според истражувањаата, помага и визуелизација на оган или некој друг извор на топлина.
Масна храна
Доколку знаете дека ќе останете надвор подолго време, подгответе го телото за тоа. Додека организмот ја вари храната, не се чувствува поголем студ, бидејќи телото произведува енергија за да ја свари храната. Мастите, во овој случај, се пресудни, а доколку не сакате масна храна, пробајте со топло чоколадо или кафе со путер.
Среќни мисли
Едно истражување покажало дека носталгијата загрева. Учесниците кои се присетувале на некои носталгични случки биде потолерантни на екстремен студ, за разлика од оние кои се присетувале на обични случувања.
Испијте нешто топло
Топлите напитоци, како чај или супа, нема да го загреат телото, но даваат чувство на топлина. Причината се крие во тоа што устата е најчувствителниот дел од телото па така топлата течност потсвесно загрева.
Јадете ѓумбир
Овој корен ја подобрува циркулацијата, па со самото тоа и загрева. Сепак, имајте на ум дека и останатите зачини, иако можеби ви делуваат дека ве загреваат, доведуваат до потење, кое всушност ќе ве излади.
