Изметот многу зборува за работата на цревата. Според студијата на Центарот за истражување тумори честотата на празнење на цревата може да варира од личност до личност. За некои луѓе нормално е да одат во тоалет и по неколку пати на ден, а за некои е нормално да одат неколку пати неделно.
Се додека немате дијареја, запек или не морате да користите лаксативи за да ги празните цревата со вас се е во ред.
Нормалниот измет би требало да биде темнокафеав од пигментот билирубин и обично е со непријатен мирис од бактериите кои емитуваат гасови. Додека вршите нужда не би требало да чувствувате никакви болки, а изметот би требало да биде сочинет од едно парче или повеќе мали, сето ова е знак за здрави црева и добра работа.
Како да знаете дека имате проблем?
Ненадејна промена во мирисот на изметот, промени во цврстината, зачестеноста или бојата би можело да укажува на проблеми. Сепак, ваквите промени можат да се случат и од видот на храна која ја јадете па не мора да е резултат на нешто опасно. Доколку сте забележале промена во работата на цревата, секако, би било добро да појдете на лекар. Ако имате хронична дијареја или запек тоа може да значи дека имате некој воспалителен процес во системот за варење.
Веднаш појдете на лекар ако забележите крв во столицата! Овој симптом може да биде знак за фисури или хемороиди, но може да биде знак за аларм затоа што ракот на дебело црево дава токму вакви симптоми. Исто така, важно е изметот да не ви е црн затоа што тоа може да е знак за гастроинтестинално крвавење.
