Лекот за ревматоиден артритис (tocilizumab) лекува тешко заболени од КОВИД-19, покажуваат податоците од истражувањето на научниците во Велика Британија и Холандија.
Научниците изјавија дека се работи за “апсолутно неверојатно резултати“, а лекот повеќе и не се тестира бидејќи се многу сигурни во неговата ефикасност. Но, прецизниот ефект на преживувањето на болните по употребата на лекот, се уште се истражува.
Други стручњаци пак изјавија дека треба да се внимава се додека не се објават целосните податоци.
Овој лек влијае на имуниот систем кој кај некои пациенти заразени со новиот коронавирус реагира претерано, а таквата реакција, позната и како цитокинска бура, може да биде смртоносна.
Истражувањето било фокусирано на тешко заболените пациенти кои требало да бидат ставени на респиратор. Испитувањето на лекот е стопирано од пред три дена откако независни набљудувачи рекле дека постојат многу докази, од првите 303 пациенти, кои покажуваат дека лекот делува.
Но, интерпретирањето на податоците е исклучително комплексно, наведуваат британските медиуми.
Имено, податоците покажуваат подобрување во исходите, но се работи за статистичка поврзаност со останатите елементи, како што се стапката на преживување и времето кое пациентите го минуваат на интензивна нега. Лекарите знаат дела лекот нешто прави, но ќе треба време за да се утврди дали тој спасува животни на заболените или само го забрзува нивното опоравување.
Стеродите докажано спасуваат пациенти заболени од коронавирусот и го смируваат целокупниот имун систем, додека ово лек цели кон специфични делови од тој систем.
Лекувањето со овој лек чини помеѓу 500 и 1000 фунти и тој на пациентите им се дава интравенозно.
“Да се има втора ефикасна терапија з акритично болните пациенти месеци од почетокот на пандемијата е без преседан“, вели Лени Дерде од Универзитетскиот клинички центар во Утрехт.
Професор Питер Хорби, кој бил дел од тимот на Универзитетот во Оксфорд, кој покажа дека дексаметзонот им помага на болните, вели дека се работи за охрабрувачки резултати кои сугерираат дека противвоспалителните лекови може да помогнат во лекување на КОВИД-19.
“Досегашните резултати од употребата на лекот за ревматоиден артритис
беа двојни, а четири рандомизирани контролирани испитувања покажаа резултати, од кои две беа негативни и две позитивни“, вели проф. Хорби.
