Иако зеленчукот се смета за една од најздравите храни и особено се препорачува за време на диета, постојат одредени видови кои треба да ги избегнувате, особено ако вашата цел е да изгубите тежина.
Научниците од универзитетот Харвард докажале дека некои видови зеленчук, всушност, не само што не придонесуваат за губење на тежината, туку напротив, може да влијаат на „качувањето“ килограми.
Во истражувањето, кое траело 20 години, учествувале 130 000 луѓе, а научниците ги следеле нивните навики во исхраната, како и намирниците кои ги консумираат.
Врз основа на добиените податоци, експертите заклучиле кој зеленчук, всушност, придонесува за зголемување на телесната тежина. Со голема сигурност потврдиле дека во зеленчукот, кој најмногу гои, спаѓаат пченката, компирот и грашокот!
Како најлоша се покажала пченката, со 0,9 килограми повеќе за две години од зголемувањето на порцијата со овој зеленчук.
Причината за ова е високиот гликемиски индекс, интензивното зголемување на шеќерот во крвта после консумацијата што влијае на зголемување на чувството на глад.
Интересно е дека луѓето кои јаделе зеленчук богат со влакна, како грав, по некое време изгубиле дел од тежината.
