![novo vreme](https://panacea.mk/wp-content/uploads/2020/03/novo-vreme-696x297.jpg)
Летното сметање на времето секако има и свои добри страни – телевизија се гледа помалку и поретко, а често се престојува во природа, се пешачи, трча или се прави некоја друга физичка активност. Денот ни трае подолго, па луѓето можат да бидат подолго време на отворено и да уживаат во благодатите на свежиот воздух и сончевите зраци.
Сето наведено е точно, но што кога најголемиот процент од населението е во своите домови и нема можност да излезе на свеж воздух или на сонце? Можеме ли некако да си помогнеме да ги ублажиме симптомите?
СЕЗОНСКА ДЕПРЕСИЈА
Дали до денес сте слушнале за сезонска депресија? Лицата кои страдаат од сезонско афективно пореметување често искусуваат и непријатни симптоми кога се менува времето. Денес се верува дека поместувањето на часовникот кое се прави во пролет може да доведе до промени на расположението.
Иако не постојат специфични причини за ова пореметување, студии потврдуваат дека одредени фактори може да придонесат за лошо, депресивно расположение, истакнува Кети Камкар, клинички психолог од Торонто.
“На пример, поместувањето на времето може да влијае на нашиот биолошки внатрешен часовник кој има силно влијание на распоредот на легнување на спиење и на будење. Било какво мешање во нашиот циркадијален ритам може да влијае и на менталното здравје“, додава таа.
![](https://panacea.mk/wp-content/uploads/2020/03/860850638-170667a.jpg)
Вообичено е верувањето дека промената на времето во пролет има помалку негативно влијание на поединецот од она кое се прави во зима, кога полесно настапува депресијата поради недоволната дневна светлина. Но, во пролетниот случај, се губи еден час сон, што може да влијае на расположението и појавата на замор.
За лицата кои строго се држат до својот распоред на спиење, губењето на еден час од сонот може да предзвика проблеми, барем во првите неколку дена.
ТРИГЕР ЗА ДЕПРЕСИЈА
Поместувањето на часовникот може да влијае на психичката состојба, а тоа вклучува биполарно пореметување и сезонска депресија. За некои лица оваа промена ќе биде само минлива нелагодност, а кај поединци може да има многу понепријатни последици.
СОВЕТИ
Заморот може да ја зголеми непродуктивноста, концентрацијата и општата состојба на организмот. Обидете се што побезболно да преминете на новото сметање на времето со овие совети:
- Јадете здрави намирници наутро за да имате повеќе енергија
- Престојувајте на сонце и пешачете колку што е можно повеќе, но држете се за препораките за заштита од коронавирусот.