Медицински експерти во светот со месеци наназад ги проучуваат пациентите кои ја прележале болест КОВИД-19, за да откријат како таа го напаѓа телото.
Истражување од Ерусалим открило нешто кое сите треба да го знаеме: 50 проценти од пацинетите заболени од новиот коронавирус доживуваат општа слабост по борбата со оваа инфекција, без оглед дали станува збор за потешка или полесна клиничка слика.
“Најмалку половина од ковид пациентите и натаму страдаат од општа слабост и потешкотии со дишењето со недели, па и месеци по опоравувањето“, покажале прелиминарните резултати од израелското истражување.
Пулмолошкиот институт во Медицинскиот центар Shaare Zedek во Ерусалим истражувањето го спровел на пациенти со КОВИД-19, кои имале од благи до умерени симптоми, но и на оние со сериозна клиничка слика. Околу половина од нив по опоравувањето го имале истиот симптом – општа слабост, која не е поврзана со тежината на болеста.
Истражувањето дури открило дека пациентите со полесна клиничка слика може да имаат долготрајно оштетување на белите дробови, додека оние биле во сериозна состојба, нужно не мораат да пријавуваат слични потешкотии по опоравувањето.
“Меѓу симптомите кои ги испитувавме, пронајдовме општа слабост кај повеќето испитаници, кашлица и/или краток здив, појава на белодробна емболија, опструкции и сомнеж на белодробна хипертензија“, изјавил проф. Габриел Избицки, директор на Пулмолошкиот институт.
