Во јаболката има и до 40 % витамин Ц, содржи и витамини А, Е, Б1, Б2, Б6 и бета каротен. Содржат и минерали калиум, калциум, фосфор и железо. Богати се со полифеноли – растителни споеви кои имаат силно антиоксидантна активност.
Јаболката најчесто се јаде сурова, но и се пече, суши, преработува во сокови, џемови, а познат и многу ценет е и јаболковиот оцет. Просечно плодот содржи 82 % вода, околу 12 % јаглехидрати, масти и блековини заедно околу еден процент, а целулозата се наоѓа во количина од околу еден процент.
Освен основните, јаболката содржи и низа други состојки неопходни за органзимот: шеќери, органски киселини, во многу мала количина сите есенцијални и неесенцијални аминокиселини, ароматични состојки и бои. Јаболката се богати со растителни влакна и имаат благотворен ефект на метаболизмот, особено кога се консумираат со житарки.
Против надуеност, тромост и расипан желудник – во тек на неколку недели, три пати на ден јадете по едно кисело јаболко со средна големина, еден до два часа пред или по јадење.
Против пролив – консумирајте изрендана јаболка или компот од ова овошје. Посебно се препорачува користење кисели јаболка. Изренданите јаболка не се засладуваат, а пред да се изедат се оставаат кусо време на воздух за да потемнат.
За подобра дигестија – редовно консумирајте печени или варени јаболка, особено во есенскиот и зимскиот период. Препорачливо е да се јаде по појадок и вечера. Терапијата трае пет дена.
За регулирање на столицата и стабилизирање на цревната флора – се препорачува на гладно да се изедат едно до две сурови јаболка или печени.
За поттикнување на потење при висока температура – во сварена каша само од јаболка, додадете мед и лимонов сок и испијте ја смесата додека е врела.
