Иако често се смета за воспаление на грло, ларингитисот е многу поопасен од тоа. Доколку трае подолго од три недели, постои голема можност да прерасне во дисфонија.
Ларингитисот е воспаление на слузницата, односно делот на гркланот во кој се наоѓаат гласните жици. Поради тоа, еден од главните симптоми е изненадна промена или губење на гласот. Ова се некои природни лекови кои проверено помагаат при оваа состојба.
Јаболков оцет
Антибактериските својства на јаболковиот оцет помагаат да се смири инфекцијата, а истовремено го олеснува голтањето поради што се смета за најефикасен природен лек против ларингитис.
Солена вода
Солената вода, исто така, има антибактериски својства. Се советува четири до пет пати дневно да се прави гаргара со солена вода, со тоа што треба да се потрудите водата да влезе што подлабоко во грлото, за поуспешно да се смири воспалениот грклан.
Додадете мала лажичка куркума во топло млеко и пијте го овој напиток два до три пати во текот на денот Со него се намалува болката и жарењето во грлото.
Цимет
Додадете лажичка цимет и три лажички мед во 300 мл вода и оставете да проврие. За најдобри резултати консумирајте го овој напиток три пати дневно. Циметот има антибактериски и антивоспалителни својства поради што ќе се забрза процесот на лекување.
Ѓумбир
Примената на ѓумбирот е повеќекратна. Може да го додадете во чај или од него да напрвите чај во кој ќе додадете лимон и мед. Ѓумбирот помага да се намали болката во гркланот и да се ослободите од различните инфекции.
