„Лесно му е нему. Јас штом каснам нешто веднаш ми се лепи“ – ова е една од најчестите реченици кога луѓето ги опишуваат пријателите кои буквално го празнат фрижидерот за секунда, а не се здебелуваат ниту грам. Најновото научно истражување вели дека има вистина во ова.
Да се биде слаб изгледа не е само прашање на здравата исхрана, туку и на генетиката?! Научниците откриле одредени генетски регии кои им овозможуваат на некои луѓе да бидат слаби.
Меѓународниот тим, кој своето истражување го објавил во магазинот PLOS Genetics, смета дека за витката линија кај некои луѓе повеќе се заслужни гените, отколку посветувањето внимание на исхраната. И покрај тоа што во изминатите години научниците научниците нашле стотина различни генетски промени кои ги зголемуваат шансите луѓето да станат дебели, многу помалку внимание било насочено на потрагата по гените чиј ефект е потполно спротивен.
Овој пат стручњаците ги споредиле примероците на ДНК од 1 600 личности во Велика Британија со индекс на телесна маса под 18 со примероци на 2 000 исклучително дебели луѓе и 10 400 луѓе со вообичаена маса. Освен тоа земени се предвид и темелно пополнети прашалници во кои испитаниците морале да дадат информација за својот стил на живот и потецијалните пореметувања во исхраната. Така е откриено дека дебелите луѓе мошне често поседуваат гени поврзани со вишокот килограми. Од друга страна, витките луѓе имале многу малку од споменатите гени, но имале промени во генетските регии кои се поврзуваат со здравата слабост.
Водачот на истражувањето, професорот Садаф Фаруки од Универзитетот Кембриџ, ги повикал луѓето помалку да ги осудуваат дебелите луѓе.
„Ова студија за прв пат покажа дека здравите, слаби луѓе често се такви затоа што се помалку опотоварени со лоши гени кои се поврзани со дебелината, а не затоа што се морално посупериорни или имаат посилна волја, како што често сакаат да истакнуваат“, објаснува Фаруки.
Сепак, стручњаците истакнуваат дека и покрај овие заклучоци на состојбата на телото во голема мера и понатаму влијаат начинот на живот, исхраната, стомачната флора и физичката активност.
