![eating-at-night-1296x728-feature](https://panacea.mk/wp-content/uploads/2019/11/eating-at-night-1296x728-feature-696x390.jpg)
Најновото американско истражување покажало дека времето на консумирање оброци може да влијае на кардиоваскуларното здравје на жените, односно дека внесот на поголем број калории после 18 часот е поврзан со полошо здравје на васкуларниот систем. Неодамна спроведената студија упатува на тоа дека консумирањето оброци порано во текот на денот може да придонесе за губење на килограмите, за разлика од јадењето подоцна во текот на денот што влијае на дебелеењето и забавувањето на метаболизмот.
И претходните истражувања покажале дека доцните оброци ги зголемуваат маркерите на воспаленија кои обично се поврзани со развојот на дијабетес и болести на срцето, а некои други студии спроведени на лабораториски глувци и луѓе, покажале дека планирањето на оброците во точно определено време може да придонесе за контрола на нивоата на шеќер во крвта.
Негативно влијание на здравјето
Најновото истражување чии резултати се претставени на конгресот на Американското здружение за срце (АХА) во Филадејфија, упатува на тоа дека консумирањето на поголеми количества калории во вечерните часовци може негативно да влијае на кардиоваскуларното здравје на жените. Главен автор на стдуијата е Нур Макарем, научна соработничка на Унивезритетот Колумбија. Макарем и нејзините колеги една година ги следеле прехранбените навики на 112 жени на просечна возраст од 33 години. Го истражиле кардиоваскуларното здравје на учесничките на почетокот на студијата и една година подоцна со помош на програмата „Life’s Simple 7“, која се состои од седум фактори на ризик кои ги предложило здружението АХА.