Главната состојка на дуњите е витаминот Ц за кој знаеме дека има важна улога во одржувањето на физичкото и на менталното здравје. Затоа освен во исхраната, како вкусен деликатес, се користат и за лекување на најразлични тегоби, и тоа од ублажување кашлица, па се до проблеми со варењето. Лековити се и плодот, и листовите, и семките. Оваа овошка во себе содржи витамин Ц, витамини Б1 и Б2, каротен, калциум, калиум, натриум, како и мал дел протеини, а многу растителни влакна.
Семките, ако ги оставите да отстојат во вода, ослободуваат ’лигава’ материја која многу помага при сувата кашлица. Интересно е дека дуњата содржи и многу пектин, кој го регулира крвниот притисок и штити од штетните зрачења во природата.
Чајот од лист од дуња, пак, е одличен лек при дијареја. Се приготвува така што исушените листови се полеваат со зовриена вода и се остава чајот да отстои 30 минути.
Совет: За максимална придобивка од дуњата добро е ова овошје и неговите продукти да се консумираат наутро
